ཨིན་སྐད་དུ་ Venerable ཞེས་པ་རབ་འབྱུང་ལ་འབོད་པར་བསྒྱུར་འདུག་པས། དེའི་དོན་གང་ཡིན།
- མི་སོན་པོ།
- སྐུ་ཞབས།
- རབ་འབྱུང་།
“ཆེ་དང་ལྡན་པ་” ཞེས་པ་ལེགས་སྦྱར་དུ། (J S Negi s.v. ཚེ་དང་ལྡན་པ།)
ཨཱ་ཡུཥྨཱན།
ཞེས་པ་རབ��ཏུ་བྱུང་བ་ཁོ་ན་ལ་གོ་བའི་ངེས་པ་མེད་པར་སྣང་སྟེ།
«འདུལ་བ་ཕྲན་ཚེགས་ཀྱི་གཞི་» (D, fol. 167a1–3) ལས།
“བཅོམ་ལྡན་འདས་ཀྱིས་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་འཕགས་པའི་ཡང་དག་པའི་དགའ་བས་ཡང་དག་པར་དགའ་བར་མཛད་དོ། །ཞེས་ཀུན་དུ་སྒྲ་གྲགས་པ་ཉེན་ཀོར་ན་འཁོད་པའི་བྲམ་ཟེ་དང་ཁྱིམ་བདག་རྣམས་ཀྱིས་ཐོས་ནས། དེ་རྣམས་བལྟ་བའི་ཕྱིར་འོང་བ་དང་། དེ་དག་ཉེ་བར་འོངས་པ་དེ་རྣམས་ལ་ཆོས་སྟོན་པར་བྱེད་དོ། །དེ་དག་ལ་ཆོས་སྟོན་པ་ན་ཁ་ནས་དྲི་མི་ཞིམ་པ་བྱུང་ནས་དེ་དག་ཕན་ཚུན་དུ་བལྟས་ནས་དྲིས་པ། འཕགས་པ་དྲི་མི་ཞིམ་པ་འདི་སུ་ལས་བྱུང་། དེ་དག་གིས་སྨྲས་པ། ཚེ་དང་ལྡན་པ་དག་ཁོ་བོ་ཅག་གི་ཁ་ནས་བྱུང་ངོ་། །དེ་དག་གིས་སྨྲས་པ། འཕགས་པ་དག་ཅི་ཁྱེད་སོ་ཤིང་མི་འདོར་རམ། ཚེ་དང་ལྡན་པ་དག་མི་དོར་རོ། །འཕགས་པ་ཅིའི་སླད་དུ་ཚེ་དང་ལྡན་པ་དག་བཅོམ་ལྡན་འདས་ཀྱིས་མ་གནང་ངོ་། །”
ཞེས་བྲམ་ཟེ་དང་ཁྱིམ་བདག་རྣམས་ལ་ཡང་གོ
དེ་བཞིན་ཚིག་མཛོད་རྣམས་ལས། སློབ་དཔོན་གྱིས་སློབ་མར་འབོད་པའི་ཚིག ཅེས་བཀོད་ཡོད། འོན་ཀྱང་འབོད་ཚིག་མ་ཡིན་པ་ལའང་འཇུག་པའི་དཔེ་ནི། «ལས་བ���ྒྱ་པ་» (D, fol. 3a1):
“ཁྱི་མོ་དེས་ཚེ་དང་ལྡན་པ་ཤཱ་རིའི་བུ་ཐག་རིང་པོ་ཞིག་ནས་མཐོང་ངོ༌། །མཐོང་ནས་ཀྱང་ཤིན་ཏུ་རིངས་པར་ལངས་ཏེ་ཚེ་དང་ལྡན་པ་ཤཱ་རིའི་བུ་ག་ལ་བ་དེར་སོང་ནས་”
ཡང་ཚེ་དང་ལྔན་པ་དེ་བཞིན་གཤེགས་པ་ལ་འབོད་མི་རུང་བ་ནི། «ལས་བརྒྱ་པ་» (D, fol. 96b5–7) ལས།
“དེ་ཙམ་ན་དགེ་སློང་ལྔ་སྡེ་རྣམས་བཅོམ་ལྡན་འདས་ལ་མིང་གི་ཚིག་དང༌། རུས་ཀྱི་ཚིག་དང༌། ཚེ་དང་ལྡན་པ་ཞེས་བྱ་བའི་ཚིག་འབའ་ཞིག་རྗོད་པར་བྱེད་དོ། །དེ་ནས་དེར་བཅོམ་ལྡན་འདས་ཀྱིས་དགེ་སློང་ལྔ་སྔེ་རྣམས་ལ་བཀའ་སྩལ་པ། དགེ་སློང་དག། ཁྱེད་དེ་བཞིན་གཤེགས་པ་ལ་མིང་གི་ཚིག་དང༌། རུས་ཀྱི་ཚིག་དང༌། ཚེ་དང་ལྡན་པ་ཞེས་བྱ་བའི་ཚིག་འབའ་ཞིག་མ་རྗོད་ཅིག །ཁྱེད་ཡུན་རིང་པོ་ནས་གནོད་པ་དང༌། མི་ཕན་པ་དང༌། སྡུག་བསྔལ་བར་གྱུར་ཏ་རེ། དེ་ཅིའི་ཕྱིར་ཞེ་ན། དགེ་སློང་དག གང་ལ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་མིང་གི་ཚིག་དང༌། རུས་ཀྱི་ཚིག་དང༌། ཚེ་དང་ལྡན་པ་ཞེས་བྱ་བའི་ཚིག་ འབའ་ཞིག་རྗོད་པར་བྱེད་ན། དེ་ནི། ཡུན་རིང་པོར་དེ་ལ་གནོད་པ་དང༌། མི་ཕན་པ་དང༌། སྡུག་བསྔལ་བར་འགྱུར་བའི་ཕྱིར་རོ། །"
ཞེས་གསུངས།